ମାଆ ପରି କେହି ନାହିଁ - ଅରୁଣ କୁମାର ମାହାନ୍ତିଙ୍କ ରଚନାରୁ

ସ୍ନେହ ମମତାରେ   ଏ ସାରା ସଂସାରେ       

      ମାଆ ପରି କେହି ନାହିଁ

ନାହିଁ କେ ଜଗତେ       ଏଡ଼େ ଧନୀ ସତେ

      ତା ଋଣ ସୁଝିବା ପାଇଁ......!୧!

ଶିଖାଇଛି ଯାହା         ପିଲାଦିନେ ମାଆ

         ପାଶୋରି ନ ଯିବ ମନୁ

ସେ ସଂସ୍କାର ଶିକ୍ଷା      ସ୍ୱାଭିମାନ ଦୀକ୍ଷା

           ବଢୁ ଥିବ ଦିନ ଦିନୁ....!୨!

ନିଜ ବକ୍ଷ ଚିରି           ଅମୃତ ପିଲାଇ

         କରିଲା ଆମକୁ ବଡ଼

ସେ ଅମୃତମୟୀ        ମାଆ ପାଇଁ କେବେ

        ଆଣିବାନି ମନେ ଝଡ.....!୩!

କେତେ ଦୁଃଖ କଷ୍ଟ        ସହି ଅବିରତ

          ତୁମ ଇଚ୍ଛା କରେ ପୁର୍ଣ୍ଣ

ସେହି ପୁଣ୍ୟମୟୀ          ଜନନୀ ପୟରେ 

           ରଖିବ ସର୍ବଦା ମନ....!୪!

ପଢ଼ି ନାହିଁ ଯିଏ         ମାଆର  ମୁଖକୁ

        ସେ କି ବୁଝେ ମାଆ ଦୁଃଖ

ସେତ ମହାପାପୀ       ସୁଖରେ ଦୁଃଖରେ

        ଦେଖେ ନାହିଁ ମାଆ ମୁଖ......!୫!

ଦୋୖଲତ ରେ ସବୁ       କିଣି ପାର ତୁମେ

        ମା ବାପା ମିଳିବେ ନାହିଁ

ସେ ସୁଧା ଚରଣେ        ସମ୍ମାନ ଦେବାକୁ

         କୁଣ୍ଠାବୋଧ କର କାହିଁ......!୬!

ବଡ଼ ହେଲେ ତୁମେ       ହୁଏକି ସେ କେବେ

                ତୁମଠୁ ଅଧିକ ସାନ..?

ବଢ଼ି ଗଲେ ତୁମ            ସମ୍ମାନ କି ଯଶ

                କମି ଯାଏ କି ତା ମାନ..??!୭!

ତାହାରି ସନ୍ତାନ       ହୋଇ ତୁମେ ଆଜି

          ଭୂଲିଗଲ ପଛ ସ୍ମୃତି

ଗଛ ଯେତେ ବଡ଼     ଫଳ ତା ତଳକୁ

          ନୁହେଁ କେବେ ଉର୍ଦ୍ଧ ଗତି....!୮!

ଏତିକି ବୀନତି       ରଖିବ ମୋ ସାଥୀ

        କରିବା ମାଆ ର ସେବା

ଗୃହ ମନ୍ଦିରରେ       ସାକ୍ଷାତ ଇଶ୍ୱରୀ

         ସର୍ବଦା ସମ୍ମାନ ଦେବା....!୯!

                                    ଅରୁଣ କୁମାର ମହାନ୍ତି

                                     ଇଷାଣପୁର,ଯାଜପୁର